Öýde uýadylan gatyk has peýdaly
Şirin Haýydowa, HTTU-nyň talyby.
Süýt önümlerinden bolan gatygy halamaýan ýok bolsa gerek. Emma munuň saglygyňyz üçinem uly ähmiýete eýedigini bilýäňizmy? Türkiýäniň Akdeniz uniwersitetiniň mugallymy professor, doktor Sema Akman süýt we gatygyň ähmiýeti barada gürrüň berdi.
Ol öý şertlerinde basyrylyp, uýadylan gatygyň birnäçe kesele, şol sanda düwnüge garşy goraýjy häsiýetiniň bardygyny habar berdi. Akman gatygy halamaýan çagalaryň gatyk içmeklerini gazanmaklary üçin şeker, toşap we beýleki süýji tagamlary goşmak ýaly ýollary hem gözlemekligi maslahat berýär.
Lukmançylyk uniwersitetiniň çaga saglygy kafedrasynyň mugallymy bolan Akman ösüp barýan çagalaryň gazly içgilerden daşda durmaklaryny, süýt we süýt önümlerinden has köp peýdalanmaklaryny maslahat berýär. Akman belogyň esasy çeşmesi bolan gatygyň çagalaryň ösmegi üçin ähmiýetlidigini aýdýar. Esasanam 7 ýaşyndan uly bolan çagalaryň günde iki bulgur gatyk içmelidiklerini maslahat beren Akman çagalaryň irden we agşam bir bulgur süýt içmelidigini aýdýar.
Şirin Haýydowa, HTTU-nyň talyby.
Zaman
Filed under: Çagalar, Bütin Temalar, Bilim, Saglyk |
Ozunem icyanmi gatyk